140th win: 齊歡最樂 (J182) ON THE LASH (J182)
齊歡最樂中段透出後，直領到底，今場勝出後，霍宏聲取得本季第10場頭馬，亦為練馬師伍鵬志取得本季第2win。
【戰況R1】伍鵬志：齊歡最樂大大隻唔困得
頭場賽事即爆出冷門賽果，伍鵬志馬房「齊歡最樂」臨場由20倍落至10倍，結果喺霍宏聲一擊即中勝出，就連搭金誠剛「型到爆」嘅啡格連贏、綠格位置Q及啡格二重彩都全部命中，落飛黨呢個千萬頭盤袋袋平安。同時，呢匹千二磅巨獸以1分47秒33打破五班田草1800米班際紀錄時間。今場跑第3名為黃寶妮「悠悠乾坤」，潘頓大熱門「耀昌盛世」跑第4。
賽後，伍鵬志表示「齊歡最樂」體型大隻，鍾意自己順走唔困得，今場霍宏聲掌握Timing好好，等對手攞好晒位，再自己發力走上去，結果取勝。練者表示初頭以為「齊歡最樂」比較細膽同埋驚青，花咗好多時間摸索，轉換唔少配備，上季尾加咗眼罩後有進，今季續用此配備，最後發現都係需要時間適應，性能上長途為主，所以去到依家先至交代，感謝馬主有耐性。
留言
發佈留言