霍宏聲香港頭馬紀錄

大外一氣，霍宏聲與告東尼時隔三個馬季後，再度攜手進入勝門。 本季霍宏聲以35場頭目做總結，與2022/23馬季相同，希望接着的識價盃及下個馬季可更進一步，交出更多的勝利。 劍飛聲爆38倍冷W 坊間馬迷智慧經常說「濕地利灰馬」，昨晚馬季煞科戰賽前落大雨，結果一眾灰馬果然發威，由第2場至第4場賽事頭馬「星威心得」、「家樂寶駒」及「劍飛聲」都屬灰馬，當中除了「家樂寶駒」外，其餘兩駒之前也是毫無表現兼三零部隊，而「劍飛聲」自從在港首戰後再次返回谷草跑谷草1650米，竟然後上掄元，爆出38倍大冷W。 南非騎師霍宏聲於剛周日的沙田煞科戰，由於弄傷手腕舊患，中途退下火線，騎者在剛周二通過醫生的檢驗，可以如期上陣。霍宏聲復出身手依然，雖然4歲新西蘭自購馬「劍飛聲」今季來港後10戰全負，但由71分減至53分落到四班，昨晚首次由霍宏聲策騎，藉偏快步速下轉彎掟出外疊衝刺，結果擊敗方嘉柏馬房的「深心星」，成功爆冷開齋，今場頭馬亦是霍宏聲與告東尼季內合作首W。 https://racing.hkjc.com/zh-hk/local/information/localresults?racedate=2026/07/15&Racecourse=HV&RaceNo=4

【戰況R9】霍宏聲起孖　好耐冇做騎師王喇~ 第9場三班谷1650米，沈廐「浪漫鬥士」成為大熱2.5倍，不過今場佢去到最後階段畀人過咗，只得第2。頭馬落在13倍半冷的「時時精準」，此馬上次泥地跑第3後，今回重返唯一贏馬谷草場地更進一步，拉士霍宏聲伏低晒騎到盡，壓下亞軍「浪漫鬥士」及季軍掛頭牌的「好實力」，取下服役第3W。游達榮今季第34W到手，至於霍宏聲起個孖贏到34W，兼累積32分成為騎師王，聲仔係自上年10月4日後，季內第2次稱王，真係隔咗好耐喇。 https://racing.hkjc.com/zh-hk/local/information/localresults?racedate=2026/06/24&Racecourse=HV&RaceNo=9

再度幫精靈系線路人馬取勝，破悶局之餘，並成功捧走賽馬天下50週年紀念盃。 【戰況R5】阿巫又起孖　幫聲仔破個多月悶局！ 第5場四班谷1200米，賽馬天下50周年紀念盃，直路見到前面一件黑衫馬透出，講嘅係巫廐「喵喵怪」。呢隻三四班升降機，今次在四班有點班利，兼且霍宏聲亦騎出水準，直路半程拉開距離，最終力壓亞軍灰馬「電玩精英」及季軍28倍「時時開心」，跑咗6場位置後，今晚贏番場喇。巫偉傑起孖，頭馬升到44W，近期佢真係旺到不得了，至於鞍上人霍宏聲，差不多一個月多冇贏馬，今次係南非返來後首W，頭馬去到33W，希望佢煞科前贏番多啲馬喇。

霍宏勝今場出現蝦碌鏡頭，打左一鞭後跌鞭，幸好齋推都贏，顯示出傷病馬百勝威龍略有班利。 【戰況R9】威哥戴帽！呢隻跌鞭劣勢都反先！ 第9場四班田草1400米，爆到七彩，大熱門「部族高手」全程走入面場地大敗，至於次熱新勝馬「洪才」，就放頭去到最後階段稍乏力第3。頭馬係傷完久休復出的呂廐「百勝威龍」，用霍宏聲排14檔臨場冷到16倍，早段奮力入二疊拍住放，拉士騎者搖呀搖透出，再頂住亞軍大外欄後上好勁的23倍「飛躍成就」，威哥3W到手，頭馬去到50場，差榜首成哥4W，季尾仲有兩個月，以佢勢頭有得追呀~ 賽後呂健威話「百勝威龍」今場贏來驚險，因騎師跌鞭，但好彩最後都贏到。「百勝威龍」脾氣比較古怪，季初試閘試極都唔得咁，所以今季好遲先復出，而佢脾氣都比較古怪，淨係鍾意擺前，如果擺唔到前就唔肯跑，所以上季三疊都有得贏。今日陀B嘅蔣嘉琦有入場，但威哥3場W都冇拉頭馬，可能見落雨場地濕滑吧。 https://racing.hkjc.com/zh-hk/local/information/localresults?racedate=2026/05/17&Racecourse=ST&RaceNo=9

大番薯愈贏愈有，時隔3個多月與廖康銘重開勝門，此駒升上3班後會進入評分見頂期？ 【戰況R7】估唔到呢？阿廖爭冠靠呢隻執4W！ 廖廐「大番薯」係疫情時原馬主賣上放售，所以身價極便宜，但有時平嘢都有好，今季開晒竅，到今晚衝第4W，排6檔起步好快，埋到欄放賺到今日有利形勢，最後頂住亞軍「逍遙人生」同埋季軍「金玉良言」，加埋今日頭馬51萬，「大番薯」已經累積到311萬獎金喇。 贏到52W繼續帶頭的廖康銘，話現時爭冠階段，能擁有好似「大番薯」呢啲季內4捷馬當然大有幫助，而「大番薯」上季五班抽1檔先贏到，冇諗過「大番薯」今季贏到4W，誠然此駒今季進步甚大，今日負135磅都克服到贏馬，冇人知道升三班佢仲有畀到咩驚喜大家。值得留意，霍宏聲同廖康銘係繼2月8日「幸運奇兵」後，隔3個月合作再贏，破咗盲門了。 https://racing.hkjc.com/zh-hk/local/information/localresults?racedate=2026/05/06&Racecourse=ST&RaceNo=7

幸好直路有位望空，有驚無險地取得勝利，繼乘數表後，再度與羅富全攜手於谷草贏馬。 今晚快活谷第七場二班一千米，由羅富全旗下的「天天同樂」於霍宏聲胯下取得今季首場頭馬。 賽後羅富全說：「『天天同樂』入直路後所遇到際遇都幾驚險，因為在此馬前方只有兩駒，我以為該駒會轉彎後稍移外面展開衝刺，結果馬兒走入內面，差少少便未能望空，贏得很驚險，令我都有點擔心。『天天同樂』今場跑谷草一千米，是由於二班賽程並不太多，加上馬兒曾經在同程贏馬。至於會否部署『天天同樂』匆匆再出跑下月初的田草千二米，要再想清楚，因為此馬曾經流鼻血，傷患馬部署時不宜太急進，我要仔細觀察馬兒跑完今場後的狀態恢復如何才可再作決定。」 https://racing.hkjc.com/zh-hk/local/information/localresults?racedate=2026/04/29&Racecourse=HV&RaceNo=7

  上場直路取位欠順，搏殺失手，今次成功補中，對於近期成績表現欠佳的霍宏聲，終算鬆一口氣。 【戰況R4】260萬身價開心老闆執今季第2W！ 游達榮馬房、身價260萬元嘅「開心老闆」在港4戰全有獎金名次，演出準繩，今仗再配最佳拍檔傷愈復出嘅霍宏聲，雖然喺13檔起步，但都克服到，最後落飛勝出，取得在港第2場勝利。今場跑第2名為奧爾民「醒目先駒」，艾道拿「創寶駒」跑第3，第4名為希威森「光年八十」。 賽後，游達榮話「開心老闆」今季表現一直穩定，保持進步，而幕後眼光好好，可以喺香港國際馬匹拍賣會揀到呢匹馬，今日因為抽到外檔兼負重磅，如果留後跑會贏唔到，所以刻意叫霍宏聲比平時踢前啲，相信馬匹上到三班都有競爭力。 https://racing.hkjc.com/zh-hk/local/information/localresults?racedate=2026/04/12&Racecourse=ST&RaceNo=4

  光輝歲月內欄攝位輕鬆得手，霍宏聲相隔半個月勝出頭馬，取得今季第28Win。 【戰況R2】游達榮：光輝歲月馬主係我首批粉絲 游達榮馬房「光輝歲月」至今唯一上名就喺泥地1650米，經過一輪提升狀態之後，今仗重返呢個路程，結果喺霍宏聲胯下後上勝出。今場跑第2名為布文「大利好運」，奧爾民「朗日雪峰」跑第3，第4名為希威森「悠悠乾坤」。 賽後，游達榮表示「光輝歲月」係佢開倉初期第一批加盟嘅馬匹，感謝馬主支持，同時感謝馬主有耐性，馬匹需要一段時間適應，但之前喺泥地跑近過，今日步速同埋場地都好啱發揮，希望「光輝歲月」勝後慢慢反彈。 https://racing.hkjc.com/zh-hk/local/information/localresults?racedate=2026/04/01&Racecourse=ST&RaceNo=2

印像中係霍宏聲在港第一場平頭冠軍，唔知有冇記錯呢？ 今仗未段直路鈄跑，阻到人，聲仔被罰停賽一個賽馬日，唔知聲仔會否選擇返其家鄉走一回？ 頭場五班谷1650米，又跑出平頭冠軍。直路最後階段，手風大順的奧爾民，臨住「神駒馬靈」攝入內欄，本已反壓大熱門「龍又生」出頭，以為可以先到終點，殊不知最後50米，外欄落班的「榮耀盛甲」加速力好強，快鏡睇雖然差一步，但慢鏡再睇，佢係同「神駒馬靈」一齊到線，兩邊馬主各自有頭馬拉，皆大歡喜喇~廖康銘近期少贏馬，今晚贏到第37W，落後方仔5W，至於游達榮就贏到季內第20W，奧爾民則連勝4日，頭馬升到23W。 https://racing.hkjc.com/zh-hk/local/information/localresults?racedate=2026/03/18&Racecourse=HV&RaceNo=1

霍宏聲成功為處女馬「風采人生」打開勝利之門，今場為他在香港第80場谷草頭馬。 【戰況R1】方仔練馬師團體馬　落五班爆15倍W 頭場五班谷1000米，榜首方嘉柏返細場又發功，此倉的「風采人生」前仗在大場跑第4唔錯，到上次四班田草1200米走3疊跟到最後200米才散，今次落班由潘大衛換上霍宏聲，雖然排9檔但攝到入二疊，直路在外欄加速好勁，壓下亞軍大熱門「銀亮濠俠」及季軍丁冠豪馬房放頭的「皇金合」，「風采人生」在港跑第18戰終開齋，今次仲有15倍，幕後方嘉柏練馬師團體堅開心呀~ 贏到40W的方嘉柏，領先對手4場，佢話「風采人生」降五班有利，此駒評分目前偏低，贏馬回升四班仲有競爭力，或會集中谷草發展。 https://racing.hkjc.com/zh-hk/local/information/localresults?b_cid=EWRHQLC

上仗「好實力」走位稍欠誠意跑第4，今次再出比多幾錢肉緊之下，順利補中，人馬合作今季取得第2勝，霍宏聲成功中3元。 【戰況R9】聲仔中三元　威哥連贏3日好實力！ 尾場三班谷1650米，臨場都幾大雨，掛頭牌的「銀亮奔騰」落飛成大熱，但表現平平只得第4倒灶，另外「相映紅」閘前狂回飛有8.1倍，放頭走入面不利跑線，亦都輸得遠。反而威哥匹「好實力」今場在濕地好勁，直路在外欄狂追，力克亞軍28倍「建測羣英」及季軍23倍「勁好運」，霍宏聲一係唔贏，一贏就中三元，手風順番晒，佢頭馬數字升到25W，趕過何澤堯重返第5位，至於威哥又延續到旺勢，頭馬數字升到33W，距方仔6場頭馬之差，有得追架。 https://racing.hkjc.com/zh-hk/local/information/localresults?racedate=2026/03/04&Racecourse=HV&RaceNo=9

霍宏聲時隔近月未有贏馬，今次終於憑方嘉柏提供的坐騎「朗日雪峰」一衝而破，取得久違的勝利，情況有啲似聲仔第一季在港策騎時，陷入低潮期，亦係憑著勝出方嘉柏馬房既坐騎，之後開始手順轉順，希望之後表現可持續進步。聲仔在港至今，每季與方嘉柏合作均交出頭馬。 【戰況R2】方嘉柏出奇招起孖　連續兩場同阿桂埋Ｑ！ 已贏頭場的方嘉柏，第2場五班谷1200米即刻又攻堅，佢匹「朗日雪峰」之前一路跑中距離冇表現，但今日小休一個多月縮程，沿途在馬林留後，直路200米在霍宏聲胯下一路狂追，最後壓下亞軍換潘頓想贏的「銳一」同埋季軍落班馬「八里旺」，「朗日雪峰」取下服役第2W，真係要讚吓練者部署，至於鞍上人霍宏聲之前經歷小低潮6期不勝，今晚終於破悶局贏到23W，至於方嘉柏今晚連續兩場同桂福特埋Q，佢哋頭先入場時曾經埋身密斟，係咪咁啱就大家諗喇，一陣佢哋第4、7場仲有馬同場跑，睇住佢哋好啲。 https://racing.hkjc.com/zh-hk/local/information/localresults?racedate=2026/03/04&Racecourse=HV&RaceNo=2

霍宏聲今季接連失去祝願，多匹4歲具新星潛力座騎，或者對聲仔造成打擊，近期陷入低潮，表現患得患失，相隔3星期後，終於憑著幸運奇兵打破悶局，希望呢匹具有潛力既信心可以讓霍宏聲加強自信，重拾贏馬感覺。 【戰況R3】廖康銘開期票：幸運奇兵係下季一哩新星 霍宏聲一向與廖康銘合作愉快，雖然今季失去多駒帥權，例如「祝願」、「晒冷」、「白鷺金剛」等，但仍獲練者提供唔少機會，騎練今日就合作「幸運奇兵」以大熱門身份勝出，克服14檔的確唔講得笑。今場跑第2名為潘頓「友瑩亮」，金誠剛「海王」跑第3，第4名為潘明輝「好運年」。 賽後，廖康銘表示擔心「幸運奇兵」排外檔，但霍宏聲發揮得好，半程已經搶守到好位，當時見到守喺呢個位先至放心。「幸運奇兵」仲係好後生，初期情緒好緊張，所以用咗好多時間調教，以上場表現計算，加程肯定有利，而暫時骨架未完全成長，相信長線保持進度，來季係一匹極具潛力嘅一哩馬。 https://racing.hkjc.com/zh-hk/local/information/localresults?racedate=2026/02/08&Racecourse=ST&RaceNo=3

霍宏聲再次係內欄偷位成功，為康昌之星取得處女勝利，聲仔連贏2個賽馬日。 【戰況R4】呢隻廖廐灰馬上次包尾　今鋪跑第1 ！ 廖康銘落飛馬勁，真係眾所周知，不過今日第4場贏到馬嘅「康昌之星」就回飛贏，梗係喇，呢隻成日成熱嘅馬，上次同程跑包尾，未必個個有信心買，但今晚在霍宏聲胯下，於內欄攝個靚位出來，跑到第10仗終於開到齋，至於跑第2、3名，係潘頓坐騎「頌星」及補出的「加州星皓」。 「祝願」之前連輸兩仗，遲啲會改用巴度衝董事盃，不過阿廖今次照用聲仔贏馬，兩人係隔一個多月後首勝。而贏到31W繼續領先的廖康銘，話「康昌之星」一直都準繩，1800米路程或嫌長，隻馬係有啲能力，但要啲時間入局，之前成日抽外檔，今次9檔唔算理想，賽前指示霍宏聲盡量攞入面慳位，霍宏聲今晚發揮好。廖康銘又提到，「康昌之星」有內閃同唔夠集中嘅毛病，所以近仗都幫佢戴眼罩改善問題，如今終於出頭，希望佢繼續進步。 https://racing.hkjc.com/zh-hk/local/information/localresults?racedate=2026/01/14&Racecourse=HV&RaceNo=4

霍宏聲今場似乎得到幸運之神幫助，成功係直路左穿右插，終點前趕過超寫意跑第一，成功為競駿會係競駿會賽日幫主人家影頭馬相。 主題賽事失利！競駿系靠聲仔爆鑊甘補數 競駿會今戰（1.11）出5駒，頭3駒全部閘前着啡燈或綠燈，結果第四場「競駿天下」、第五場「競駿勇士」及第六場「競駿良駒」，統統跑到三甲不入，反為第七場冷到68倍的「競駿皇者」爆冷得手。 第7場三班田草1200米，潘頓「弦力寶」成為2倍大熱，不過沿途留後走勢唔對辦，直路潘頓更突然拉停，似乎隻馬有事呀。響前面，著綠格得13倍的「超寫意」一馬當先，諗住搞掂喇，點知上次跑完一哩練氣的游廐「競駿皇者」，今日在競駿會日發力，拉士由外欄拉入內欄搵位，尾幾步爆出超強後勁，移出中檔發力趕過「超寫意」，呢次堅係霍宏聲代表作，幫「競駿皇者」繼上季初出即勝後取得第2W，再睇吓電算機，原來冷到68倍呀，唔知成班競駿會成員，有無份中到呢？ https://racing.hkjc.com/zh-hk/local/information/localresults?racedate=2026/01/11&Racecourse=ST&RaceNo=7

霍宏聲喜憑韋金主取得2026年首場頭馬，亦係首次在港勝出練馬師團體賽駒。寄望霍宏聲2026年更進一步。 【戰況R10】韋金主克服傷患重新振作 韋達今日手風唔錯，先贏董事馬「同喜」，嚟到第10場三班1400米，憑練馬師團體馬「韋金主」起孖，霍宏聲早段跟前靚位，直路移出力鬥之下勝出，發揮出色。今場跑第2名為潘明輝「嘉應奇兵」，紀仁安「確好勁」跑第3，第4名為潘頓大熱門「笑喜喜」。 賽後，韋達話「韋金主」之前受過傷，陣上有幾次際遇唔好，好多謝馬主咁有耐性，今仗抽到好檔，加上場地偏差利跟前跑，同埋霍宏堅發揮得好而贏馬，相信升上二班孭輕磅都冇問題。 https://racing.hkjc.com/racing/information/Chinese/racing/LocalResults.aspx

霍宏聲生日贏馬賀壽！落飛取勝做開心老闆~ 霍宏聲今日(12月27日)24歲正日生日，跑馬當然要收生日頭馬，他在第六場騎游廄「開心老闆」出戰四班田草1400米，馬匹獨贏着綠燈至6.8倍，結果此駒第二度上陣即贏馬，霍宏聲取勝賀壽。 賽後游達榮表示「開心老闆」上仗初出已有走勢，顯示了馬匹有一定能力，跑完上仗後牠有進步，雖然周俊樂揀了同場的「機械之星」上陣，令他錯失了今場頭馬，只可算失運，但相信今季他與自己仍會有機會合作一起贏馬，而此駒仍在進步中，將來可跑1600米，相信前景不錯。 https://racing.hkjc.com/racing/information/Chinese/racing/LocalResults.aspx

雖然霍宏聲未能參與今屆國際騎師錦標賽，今日憑著好實力係第三場爆大冷，總算係其他好手面前展示其騎功實力，睇下下一屆可否代表香港挑戰騎師賽？ 第3場四班谷1650米，爆出大冷賽果，連場輸遠的呂廐質新馬「好實力」，小休兩個幾月落班即變身，末段在霍宏聲胯下交出超強後勁，反之換上巴米高的「卓越蒨鋒」中段搵咗一輪位，衝上來姍姍來遲敗於前駒得第2，至於第3、4名為1檔增程馬「頌星」及艾兆禮坐騎「戰寶」，呢4隻賠率順序為71倍、10倍、32倍及27倍，四重彩派108萬，四連環就派5萬9，兩項都係今季派彩紀錄！ 霍宏聲之前有機會跑騎師賽，但最後畀布文趕過未能成事，今晚就在騎師賽頭關前爆大冷，算係一點補償喇~ https://racing.hkjc.com/racing/information/Chinese/Racing/LocalResults.aspx?RaceDate=2025/12/10&Racecourse=HV&RaceNo=3

大番薯再次於田泥一放到底，取得今季連捷之餘，亦為霍宏聲打破悶局，終止連續5期賽馬日食白果。 【戰況R7】馬主預大番薯四五班升降機　點知贏埋！ 廖康銘馬房今日喺泥地擺強陣，其中第7場「大番薯」雖然升上四班作戰，但一樣交出水準，喺霍宏聲胯下一放到底打疊贏。今場跑第2名為布文「星火燎原」，麥道朗「星光快驅」跑第3，第4名為楊明綸「巧眼光」。 賽後，廖康銘話「大蕃薯」今季主攻泥地後表現準繩，似乎幾享受喺呢個場地上陣，今仗喺四班作戰抽10檔起步，但霍宏聲發揮得好，完美執行策騎指示，陣中令馬匹放鬆競跑，結果征服四班取勝。 「大番薯」馬主羅文滔表示今場贏馬好驚喜，賽前都係預愛駒係四五班升降機，攞下獎金，今場都係想畀馬匹適應四班步速，不過「大番薯」經過暑假進步咗，今仗面對呢組咁強嘅對手，贏到真係好驚喜。 https://racing.hkjc.com/racing/information/chinese/Racing/LocalResults.aspx?RaceDate=2025/12/07&Racecourse=ST&RaceNo=7

齊歡最樂再次一放到底，與型到爆串翻版Q，為霍宏聲今季第三匹連捷馬，繼續為爭取國際騎師錦標賽而努力。 霍宏聲現時積極爭緊國際騎師錦標賽資格，所以頻頻爭取頭馬，今日(11月15日)他在第二場騎伍鵬志訓練的「齊歡最樂」，結果一放而回，此駒季內兩出兩捷，明顯有很大進步，至於霍宏聲贏馬後，現時累積十五場頭馬，與布文相差兩場勝仗，暫時在爭奪國際騎師錦標賽的資格上有些微優勢。 https://racing.hkjc.com/racing/information/chinese/Racing/LocalResults.aspx?RaceDate=2025/11/15&Racecourse=ST&RaceNo=2