霍宏聲香港頭馬紀錄

霍宏聲終於係今季谷草打開勝利之門，寄望今季加強鬥志，爭取好成績加油。 【戰況R5】落飛黨又打劫！呢條冷Q只得30倍唔夠！ 今晚落飛黨又搵食，第4場開啡格Q後，第5場四班谷一哩，又係燈神顯靈，「鬥志波」綠格W落到15倍，結果擺前面放，直路霍宏聲又騎到伏低晒頂到尾重飛轟中，巫偉傑今季第11W到手，至於跑第2名，亦都係閘前落到大熱的上次第3名灰馬「康昌之星」，呢條啡格Q落到30倍唔夠，落飛黨WQ又抬走過千萬，真係搶錢咁款喇。是場「開心三寶」及「幸福約定」則跑3、4名。 馬主蘇志康表示「鬥志波」喺外地係中後上馬，但佢喉嚨有啲問題，所以嚟到香港之後，隻馬最緊要跑得順，今場霍宏聲對點跑都有啲睇法，自己應該要相信騎師專業意見，而佢發揮亦都好好，今日場地偏差都有啲奇怪，好彩陣上都冇咩對手燒，一放而回。波系近期世界各地都有拉頭馬，10月就有名下兩歲愛駒Jesus Green交W，到早前澳洲再贏Chandler，今日則輪到香港嘅「鬥志波」事隔一年交代，開心喇。 https://racing.hkjc.com/zh-hk/local/information/localresults?racedate=2026/11/11&Racecourse=HV&RaceNo=5

霍宏聲前季曾策騎競賽會名下自購馬「競駿皇者」初岀爆大冷贏馬，今日再次案件重演。 【戰況R10】潘頓走寶！競駿戰神進軍經典一哩賽！ 雖然天氣預報聽日轉涼，但冷鋒今日已抵達沙田馬場，多匹大冷門相繼爆出，嚟到第10場一樣開冷，呂健威馬房初出馬「競駿戰神」喺霍宏聲胯下爆出19倍冷W，騎者喺影相關頭成個身幾乎摺埋180度，最後真係贏少少咋！今場跑第2名為梁家俊「超和平」，田泰安「從化之星」跑第3，潘頓大熱門「勇者為皇」跑第4。 賽後，呂健威表示首次同競駿會合作，此駒來港前馬主係高多芬，而佢一直考慮安唔安排跑呢場，由於想趕跑香港經典一哩賽，所以決定跑今日，依家贏完之後部署更具彈性，而潘頓已經應承咗騎其他馬，所以換由霍宏聲策騎。 https://racing.hkjc.com/zh-hk/local/information/localresults?racedate=2026/11/08&Racecourse=ST&RaceNo=10

【戰況R10】方嘉柏：如正本巨星健康就係過百分馬！ 「正本巨星」上仗以輕鬆姿態打開在港勝利之門，今仗再配霍宏聲再戰，結果再次輕勝，而且以1分07秒75完賽時間，刷新沙田三班1200米班際紀錄時間，方嘉柏馬房起孖。今場跑第2名為田泰安「偵探傳奇」，巴度「假面勇士」跑第3，第4名為梁家俊「利高八斗」。 賽後，方嘉柏再次重申「正本巨星」係從練以來練過最難搞嘅馬，好感動令此駒連贏兩場，馬房團隊花咗好多努力養好健康。其實上場之後，搵咗外國獸醫睇「正本巨星」，相信如果健康冇事，過百分唔係問題，而下仗會跑11月14日二班1200米樂聲盃。 https://racing.hkjc.com/zh-hk/local/information/localresults?racedate=2026/10/25&Racecourse=ST&RaceNo=10

從港至今，每個賽馬季，霍宏聲與方嘉柏至今六季合作均有頭馬交出。 【戰況R9】方嘉柏：正本巨星係我遇過最棘手嘅馬 方嘉柏馬房「正本巨星」上季喺主帥莫雷拉左試右試之下，都有啲走勢，結果呢匹昆士蘭表列賽冠軍今季初出配霍宏聲，臨場由8.8倍落到5倍贏馬，難怪倉主笑到見牙唔見眼。今場跑第2名為潘頓「駿步騰飛」，何澤堯大熱門「開心指數」跑第3，第4名為田泰安「絲王之王」。 賽後，方嘉柏話「正本巨星」有好多傷患問題，花咗好長時間處理，佢喺從練生涯未遇過咁棘手嘅事，幸好馬匹現時納入正軌，狀態提升，愈跑愈進步，從化試閘走勢令人滿意，今場抽到好檔有好大幫助，馬匹亦展現質素，前景令人期待，好感謝馬主有耐性，畀佢慢慢打理好「正本巨星」，展望馬匹繼續扶搖直上。 https://racing.hkjc.com/zh-hk/local/information/localresults?racedate=2026/10/11&Racecourse=ST&RaceNo=9

乘住練馬師旺氣加持，霍宏聲成功替品德寶寶爆冷，取得個人今季第4 Win! 【戰況R11】潘頓實力股留到鬥口　2.1倍大熱泡湯！ 尾場三班田草1200米，羅富全、潘頓合作的「實力股」係大熱門，出閘好快，但潘頓就無盡走，反而留住跑，隻馬留得唔太舒服，前面有馬頂住有啲鬥口，結果呢隻2.1倍馬，追足一條直路都過唔到39倍「品德寶寶」，繼今季初出撻W後，再一次飲恨得第2，潘頓今場發揮似乎值得商榷。「品德寶寶」之前主要跑谷草1000，依家贏到田草1200米，堅係升晒呢，文家良贏埋呢W，頭馬升到8場，上到第3位了，至於鞍上人霍宏聲，亦贏到第4場。 https://racing.hkjc.com/zh-hk/local/information/localresults?racedate=2026/10/04&Racecourse=ST&RaceNo=11

霍宏聲與廖康銘成功衛冕慶典盃，雙雙攜手取得季內第三場頭馬。 【戰況R8】國際賽內鬥！廖康銘擬安排白鷺金剛撼祝願！ 香港打吡冠軍「白鷺金剛」今仗三級賽慶典盃復出，雖然布文因傷缺陣而需要換人，用番人馬合作3戰未贏過嘅霍宏聲一樣冇問題，最終以凌厲後勁勝出。 賽後，霍宏聲話好開心可以再騎「白鷺金剛」，當然依家呢匹打吡冠軍依家已經唔係以前嗰隻，勁咗好多，佢好感激廖康銘馬房團隊，今場做到好足，呢場頭馬正正係好開始，希望之後愈跑愈好。 廖康銘對「白鷺金剛」取勝係意料之外，因為跑1400米要天時地利人和，賽前評估跑第3、第4名都會滿意，最終贏馬當然開心。談到馬匹部署，練者表示會為「白鷺金剛」報戰12月國際賽嘅香港一哩錦標及香港盃，跑邊場唔會受廐侶「祝願」影響，佢會為兩駒安排最佳路程出賽，而「祝願」當然跑香港一哩錦標，佢目前傾向安排「白鷺金剛」跑一哩多啲。如果「白鷺金剛」之後跑完兩場二級賽之後感到一哩嫌短的話，就會安排出戰香港盃。 今場跑第2名為田泰安「錶之銀河」，周俊樂「紫荊盛勢」跑第3，第4名為楊明綸「合夥奔馳」。 https://racing.hkjc.com/zh-hk/local/information/localresults?racedate=2026/09/27&Racecourse=ST&RaceNo=8

【戰況R1】文家良：籐王駒少咗汗立即開竅 五班馬走得快好世界，文家良馬房「籐王駒」今仗早段守喺黃金包廂位，直路率先突圍，乘其他後上對手搵位受到阻礙，以大熱門身份率先觸線，為此駒在港首勝，並以1分21秒26刷新五班1400米班際紀錄時間，而早前患上甲型流感而缺陣嘅霍宏聲，已經冇晒事之餘仲好鬥得。 賽後，文家良表示「籐王駒」比較慢熱，踏入今季漸入佳境，霍宏聲策騎唔使點孭死磅，而檔好令際遇相當理想。對比起上季，「籐王駒」情緒大有改善，以前相當緊張，臨場行圈總係周身大汗，競逐情緒難免打折扣，今場雖然有汗濕，但已經改善，期望開竅後繼續有進步表現。 今場跑第2名為何澤堯「文武全能」，潘頓「巴閉佬」直路受阻之下遲望空跑第3，第4名為奧爾民「增旺」。 https://racing.hkjc.com/zh-hk/local/information/localresults?racedate=2026/09/13&Racecourse=ST&RaceNo=1

恭喜聲仔於開鑼日取得26/27馬季首場頭馬，祝願他今季可以更進一步，加油。 【戰況R5】轉倉跑兩仗後交代　不過游達榮唔響度！ 今日開鑼日，相繼有騎練開齋，第5場四班田草1200米，就輪到游達榮喇。此倉的「光年程祥」早前試閘後上好勁，結果飛數完全反映到喇，臨場由近4倍直插2.7倍，沿途走外疊，後上甚勁下力壓亞軍擺前走的「明德輝煌」，呢隻由巫廐過檔跑咗2仗，今日幫馬主交代了，成棚響凱旋門都好開心，不過今日唔見小游，原來返咗英國呀。 https://racing.hkjc.com/zh-hk/local/information/localresults?racedate=2026/09/06&Racecourse=ST&RaceNo=5