霍宏聲香港頭馬紀錄

  南非年輕好手霍宏聲今日表現甚佳，繼頭場策騎「福滿寶」爆冷後，在第六場再夥拍「星洲駿馬」克服十四檔，爆三十五倍大冷贏馬。該駒過去在跑馬地上陣六次只取得一個第二，可以今次初次在沙田岀賽即交出頭馬。 https://racing.hkjc.com/racing/information/Chinese/Racing/LocalResults.aspx?RaceDate=2022/07/16&Racecourse=ST&RaceNo=6

  今日馬季煞科戰，頭場立即爆出冷門，由霍宏聲策騎賀賢馬房的「福滿寶」後上擊敗「極爽」，爆出14倍冷門贏馬，反而大熱門「挺秀精神」三甲不入，演出令入失望。 馬主周福安說：「賀賢雖然不在港，但一直都有告訴我『福滿寶』狀態很弗。此駒經常跑入前列，演出忠心準繩，在五班也有利，雖然加分後下季將從四班起步，但我相信仍然可交出好表現。」 https://racing.hkjc.com/racing/information/Chinese/Racing/LocalResults.aspx?RaceDate=2022/07/16&Racecourse=ST&RaceNo=1

  霍宏聲近期越跑越勇，剛周日（7.10）於沙田方以「綫路之星」食出尾糊，今晚（7.13）隨即在谷草頭場憑「吉利大勝」再下一城，自製一口跨日孖寶。 至於「吉利大勝」上賽在潘頓胯下跑五班谷草1000米得第九，今戰易配霍宏聲再爭同程，轉於1檔出閘即爆冷打開今季勝門，人馬亦告擦出火花。 https://racing.hkjc.com/racing/information/Chinese/Racing/LocalResults.aspx?RaceDate=2022/07/13&Racecourse=HV&RaceNo=1

告東尼今日（7.10）除憑第八場「美麗奔馳」贏馬外，還在尾場二班1400米以「綫路之星」埋齋起孖報捷，後駒在霍宏聲胯下於末段力拒大熱門「瑪瑙」來犯，險勝對手。 霍宏聲賽後表示，馬兒末段力拒「瑪瑙」衝刺時的表現令他留下深刻印象。 他說：「『綫路之星』沿途走勢暢順，直路上我們稍為向外移出，在馬群之間能望空衝刺，馬兒亦一直展現濃烈鬥心力拼到底，表現出色。牠實在很享受纏鬥對手的過程，本身跑法機動，日後大有發展空間。當然告東尼亦每每能點石成金，功不可抹。」 https://racing.hkjc.com/racing/information/Chinese/Racing/LocalResults.aspx?RaceDate=2022/07/10&Racecourse=ST&RaceNo=10  

  第9場二班1400米開出冷門賽果，告東尼馬房「時時歡呼」被捧成3倍大熱門，但贏馬嘅係14倍廄侶「中華盛景」，此駒喺霍宏聲胯下立心縮埋衝一段，直路望空下果然愈騎愈有，取得馬匹季內第3W。今場跑第2名為巴度「一定美麗」，「美麗在線」跑第3，第4名為潘頓3倍次熱門「少爺仔」。 賽後，告東尼大讚霍宏聲今場發揮，亦好夾「中華盛景」，佢相信聲仔係好有前途嘅年輕好手，未來會有更多合作機會。 https://racing.hkjc.com/racing/information/Chinese/Racing/LocalResults.aspx?RaceDate=2022/06/25&Racecourse=ST&RaceNo=9

  由於初出道幾仗，霍宏聲屢次搏殺失手，幕後已交比其他騎師尋求突破。原定莫雷拉策騎，但拉叔因傷退賽，需要易配，倉主決定搵回老拍檔霍宏聲策騎。 今場留到追後，一衝而過，姿態頗為輕鬆，勝出今場後，聲仔亦奪回紫雲冰帥權。可謂奇妙的緣份。 https://racing.hkjc.com/racing/information/Chinese/Racing/LocalResults.aspx?RaceDate=2022/06/22&Racecourse=HV&RaceNo=6

  相隔個多星期，霍宏聲終於破谷草悶局。 今場騎回老豆馬房舊部勇趣，沿途守好位下，以些微之差氣走莫雷拉隻風繼續吹，終算為老牌馬主帶來一場勝利及答謝其一直以來的支持。 本場頭馬亦係與高怕新合作以來的第一場頭馬，唔知勇趣係咪今場用力過多，之後表現每況愈下。 https://racing.hkjc.com/racing/information/Chinese/Racing/LocalResults.aspx?RaceDate=2022/06/08&Racecourse=HV&RaceNo=5

相隔接近成個月嬴馬，同上場頭馬一樣，由賀賢提供降班馬出擊，用聲仔賠率較有分頭，嬴馬過程清脆利落，估計幕後收獲什豐。 https://racing.hkjc.com/racing/information/Chinese/Racing/LocalResults.aspx?RaceDate=2022/05/29&Racecourse=ST&RaceNo=4

  一落班即食，係馬群中穿插殺上，過程有驚無險。今場賀賢明請聲仔飲茶，季內首場合作頭馬，埋下日後增加合作的伏線。 可惜的是，聲仔因為犯規需要停賽，功夫茶其後再出由同鄉希威森贏馬。 https://racing.hkjc.com/racing/information/Chinese/Racing/LocalResults.aspx?RaceDate=2022/04/03&Racecourse=ST&RaceNo=2

  聲仔今季第一匹連捷馬，今場更出動口術戲走莫雷拉，成功保住條欄，賽後練馬師丁冠豪亦有稱讚其發揮。 可惜之後係聲仔又被罰停賽，妙算歡騰下場被迫易配，並在陣中受傷，今季再沒有出賽。  https://racing.hkjc.com/racing/information/Chinese/Racing/LocalResults.aspx?RaceDate=2022/03/30&Racecourse=ST&RaceNo=1

  今場同潘頓短兵相接，贏得非常精彩，可惜之後聲仔停賽，失去此駒策騎權，其後時時滿意再取得2 win，成功獲得特別獎金。 https://racing.hkjc.com/racing/information/Chinese/Racing/LocalResults.aspx?RaceDate=2022/03/27&Racecourse=ST&RaceNo=5

  聲仔話上次爆完天寅合一後，今次再爆隻80倍妙算歡騰，直路全程頂住印水紙返終點，亦係聲仔在港以黎的第一場泥地頭馬及最冷頭馬，賽後連練馬師丁冠豪都話唔知隻馬識跑泥地，仲會嬴埋添。 https://racing.hkjc.com/racing/information/Chinese/Racing/LocalResults.aspx?RaceDate=2022/03/06&Racecourse=ST&RaceNo=3

  上期嬴馬後，手風開始改善，今期仲要係沙田爆隻40幾倍冷門，半季後終於取得第二場沙田頭馬，相信賽前都無咩馬迷估到呢隻跑出，估計告東尼都係，嬴呢場真係馬如其名，要 天寅合一，撞正黏軟地加慢步速才僅勝，真係天時、地利、人和、缺一不可。 https://racing.hkjc.com/racing/information/Chinese/Racing/LocalResults.aspx?RaceDate=2022/02/20&Racecourse=ST&RaceNo=9

  霍宏聲接近兩個多月未嬴馬，終於憑方嘉柏「鋒芒勁露」打破悶局。 https://racing.hkjc.com/racing/information/Chinese/Racing/LocalResults.aspx?RaceDate=2022/02/16&Racecourse=HV&RaceNo=5

  霍老爺在港最後一夜，雖然父子合作未能嬴馬，但老苗今期有情有義，將高耀智星操起，配霍宏聲策騎，送比霍老爺及聲仔最後一份禮物，大家可以同晚勝出留念。 可惜的是霍老爺當晚沒有入場。 https://racing.hkjc.com/racing/information/Chinese/Racing/LocalResults.aspx?RaceDate=2021/12/22&Racecourse=HV&RaceNo=3

  今季第五場頭馬，可能連霍宏聲都估唔到呢場係同老豆最後的一場合作頭馬，今場頗具紀念價值，賽後當然唔少得老豆抱起，雖然唔係什麼大賽事，只係一場碟賽，但父子一齊上頒獎台攞碟，意義非凡。 https://racing.hkjc.com/racing/information/Chinese/Racing/LocalResults.aspx?RaceDate=2021/11/24&Racecourse=HV&RaceNo=4

  與文家良合作的首場頭馬，之後再騎跑梗頸四，然後換人，可能廠主覺得隻馬仲有一場係手，後記同場亞軍「忠誠駒」下一仗又被霍宏聲座騎擒住。 https://racing.hkjc.com/racing/information/Chinese/Racing/LocalResults.aspx?RaceDate=2021/11/10&Racecourse=HV&RaceNo=2

  相隔一個月取得第3場頭馬，亦係首次係沙田勝出，賽後更被亞軍「福朵」提出抗議，幸好賽果維持不變，丁冠豪賽後訪問暗指霍宏聲有好多地方需要改進。 https://racing.hkjc.com/racing/information/Chinese/Racing/LocalResults.aspx?RaceDate=2021/10/24&Racecourse=ST&RaceNo=4

短短相隔一周，霍宏聲取得在港第二場頭馬，由最有人情味之一練馬師方嘉柏提供，谷到帆哥兒狀態top弗，自動波湧上，可能換陳嘉熙騎都嬴。 https://racing.hkjc.com/racing/information/Chinese/Racing/LocalResults.aspx?RaceDate=2021/09/22&Racecourse=HV&RaceNo=8

 在港首場頭馬，亦係父子當季首場頭馬，意義非凡，賽後更獲得老豆擁抱。 https://racing.hkjc.com/racing/information/Chinese/Racing/LocalResults.aspx?RaceDate=2021/09/15&Racecourse=HV&RaceNo=1