137th win: 皇帝英豪 (J247) KING GLORIOSO (J247)
臨門前一步明顯被過，幸運的是影相時叮噹馬頭中勝出。今仗皇帝英豪對面直路成功由內移到外，確保能夠望空衝刺，為贏馬關鍵，亦係霍宏聲其中一場走位出色代表作。
【戰況R4】韋達讚霍宏聲走位醒字派
第4場四班1200米鬥到影相分勝負，霍宏聲「皇帝英豪」與布文大熱門「雷神太保」幾乎一齊觸線，結果前駒影相勝出，後駒直路取位有啲受阻，只跑第2真係唔抵。今場跑第3名為周俊樂「至合拍」，賽後更抗議「雷神太保」亞軍資格，但賽果維持不變，艾道拿「囍眼光」跑第4。
賽後，韋達話霍宏聲今場見到有其他馬上前走，都冇格硬將「皇帝英豪」擺前，順住步速走，馬匹沿途走勢穩定，雖然贏馬距離甚短，但頭馬就係頭馬，騎師發揮出色，此駒最佳路程應該係1200米，上場跑沙田放頭埋唔到尾，今場跑谷草1200有好檔，之後再跑番1200米抽好檔會幫到隻馬多啲。
留言
發佈留言