133th win: 祝願 (J256) MY WISH (J256)
直路初段塞車，好彩內檔有位，贏來有驚無險，霍宏聲首勝香港三級賽，人馬取得第5 WIN，今日與廖康銘合作全數上名，且看祝願能否更進一步，繼續勝出大賽。
【戰況R8】祝願跑多兩場G2就進軍國際賽
廖康銘馬房「祝願」今仗復出，順理成章續由老拍檔霍宏聲執韁，結果有驚無險之下，以2.2倍大熱門身份勝出，馬房今日已起孖。今場跑第2名為董明朗「合夥奔馳」，巴度「越駿歡欣」跑第3，第4名為艾道拿「包裝天將」。
賽後，廖康銘話「祝願」一直都係好頑強嘅賽駒，過往大家一直都關注其體型多過實力，此駒經過暑假之後再進步，賽前佢都同霍宏聲講要相信隻馬，雖然直路初段有啲塞車，但一有空位就即刻衝上嚟。
「祝願」接下來兩個月會跑兩場二級賽沙田錦標及馬會一哩錦標，為12月國際賽作最後準備，而之後會再有更多高分賽駒加入戰團，所以「祝願」要繼續進步先至得。
此外，廖康銘話霍宏聲為「祝願」做咗好多功課，畢竟呢匹馬喺香港初期唔係容易應付，如果唔係嗰次衝閘霍宏聲捉到隻馬，贏唔到嗰場賽事，就可能唔夠分跑經典一哩賽，就會係另一個故事。
留言
發佈留言