112th win: 快靚旺 (K027) JUSTIFYING (K027)
聲仔首次贏香港直路1000米賽事，時隔一季再與方嘉柏攜手進入凱旋門，快蝦王首仗顯露不俗潛質。
今日頭場四班1000米直路賽水準唔高，果然兩匹初出馬包辦連贏。方嘉柏馬房「快靚旺」喺霍宏聲胯下一放到底，以2.6倍大熱門身份贏馬，呢匹三冠馬王「正義」嘅子嗣以55秒67完成比賽，係今季最快嘅田草1000米完成時間。
賽後，方嘉柏表示「快靚旺」來港日子尚淺，賽前試過兩次大閘表現不俗，而陣上展現好高嘅天生速度，但其實未盡成熟，雖然今季仍有持續上升空間，但佢更在意下季長線發展，因為未來幾個月對於馬匹骨架長成或是心智方面相當關鍵。由於「快靚旺」今場贏得易，下仗隨時會於三班見面，方嘉柏笑言希望加5至6分，但能夠一出即勝，證明馬匹潛力相當高。
馬主之一劉錫康表示「快靚旺」係方嘉柏購入，冇諗過一出即勝，但愛駒兩課試閘試得好，進度正面，磅位又啱，今次贏馬時間好感到滿意，下仗應該會增程競逐。
留言
發佈留言