104th win: 天時明駒 (H016) PRECISION GOAL (H016)
聲仔與大衞希斯合作至今有4季，終於憑天時明駒取得騎練首場合作頭馬。
今季總場次221，「天時明駒」與「精明選擇」到最後一步分勝負，結果前駒喺潘頓胯下險勝，兩駒今場再相遇，潘頓揀騎「精明選擇」被捧成大熱門，「天時明駒」則易配放頭高手霍宏聲，結果「天時明駒」再次氣走「精明選擇」而贏馬，包辦翻版Q之餘，潘明輝策騎「星雲浩騰」跑第3，構成翻版三重彩，而另一匹葉楚航賽駒「香港精神」，喺貝知仁胯下後上第4。值得一提，馬會自從增設泥地新場地掛牌「封地」之後，今日係首次喺賽事進行期間掛上此場地掛牌，大家不妨記存。
賽後，希斯表示「天時明駒」今次再贏「精明選擇」，姿態比上次輕鬆，證明持續進步，即使回升四班，相信依然有競爭力，就算跑草地亦冇問題，但既然四班不愁泥地賽程，暫時仍會專注泥賽，下月12日全泥夜賽1650或1800米將會二選一。
至於今場起用霍宏聲，希斯表示原本想借用黃智弘，但因為對方要為師父方嘉柏效力，而佢過往與霍宏聲有合作，但歷來冇贏過馬，既然有機會就希望擦出勝利火花，造就霍宏聲今次贏馬。
留言
發佈留言