95th win: 超勁火力 (J184) SUPER CHARIZZARD (J184)


今場真係“超勁火力”，霍宏聲輕鬆與廖康銘攜手取得季內合作第6win。

第3場五班谷1200米，步速唔算快，結果開出3隻前置內欄馬。呢場「合金皇」出閘甚快帶頭，直路猶有餘勁，不過最後50米畀內側1檔馬「超勁火力」趕過，再畀梁家俊匹「三代同心」壓下只得第3。頭場開完灰馬「馬特峰」，呢場又開灰馬「超勁火力」，跑濕地灰馬咁旺，真係唔到大家唔信！

連贏3日贏到第16W嘅廖康銘，今日天氣凍咗，著咗件Mark哥褸拉頭馬，阿Mark(廖之洋名)表示「超勁火力」之前進度比較徘徊，但馬匹有能力，最近體格上亦有所成長。上場走勢所見，馬匹進度開始納入正軌，今場抽1檔有利，馬匹出閘順利，霍宏聲發揮好，終於取勝，「超勁火力」前仗起開始戴半掩防沙眼罩，廖康銘認為換咗配備之後隻馬睇少咗嘢會令佢更集中，希望「超勁火力」贏咗呢場之後會開竅反彈。

https://racing.hkjc.com/racing/information/Chinese/Racing/LocalResults.aspx?RaceDate=2024/11/20&Racecourse=HV&RaceNo=3

留言

發佈留言

此網誌的熱門文章

18th win: 吉利大勝 (D122) CARRY THE DIAMOND (D122)

圖片
  霍宏聲近期越跑越勇，剛周日（7.10）於沙田方以「綫路之星」食出尾糊，今晚（7.13）隨即在谷草頭場憑「吉利大勝」再下一城，自製一口跨日孖寶。 至於「吉利大勝」上賽在潘頓胯下跑五班谷草1000米得第九，今戰易配霍宏聲再爭同程，轉於1檔出閘即爆冷打開今季勝門，人馬亦告擦出火花。 https://racing.hkjc.com/racing/information/Chinese/Racing/LocalResults.aspx?RaceDate=2022/07/13&Racecourse=HV&RaceNo=1
閱讀更多

86th win: 錶之宇宙 (J357) PATCH OF COSMO (J357)

圖片
  一場無人預料到既跑法取勝！ 今午第四場四班千二米條件限制賽，文廄的「錶之宇宙」初戴眼罩岀賽，即使排在十二檔，但入閘前賠率急跌至四點八倍，結果即使該駒起步失機，但鞍上人霍宏聲不慌不忙，索性將其留後，接着入直路抄大外檔後上擊敗對手，贏得在港首場頭馬，霍宏聲今季頭馬數字上升至三場。 賽後練馬師文家良說：「由於『錶之宇宙』上季跑來不集中，有騎師建議為牠加配眼罩。今場初了這個配備後，馬兒有少少抗拒，結果漏閘，原本今場賽前的策騎指示是擺前走，但因為漏閘意外而留後，或許這可能對此馬有利，有助取勝。『錶之宇宙』今季無論能力和成熟程度都比上季好，希望牠繼續為馬主建功。」 https://racing.hkjc.com/racing/information/chinese/Racing/LocalResults.aspx?RaceDate=2024/09/22&Racecourse=ST&RaceNo=4
閱讀更多

107th win: 駿跑得 (K208) MID WINTER WIND (K208)

圖片
南非自購馬一出即勝，贏馬姿態驚人，為今個蛇年首個賽馬日拉下完美的謝幕。 廖康銘馬房南非自購馬「駿跑得」今仗初出，喺霍宏聲胯下一出即勝爆出42倍冷W，騎者今日已經3W。今場跑第2名為潘頓大熱門「新力好」，梁家俊「魯班精神」跑第3，第4名為巴米高「運高八斗」。 賽後，廖康銘表示霍宏聲今場發揮出色，其實一早預料「駿跑得」會跑得好，但冇諗過贏到。「駿跑得」係南非馬，依家南非檢疫條例比以前寬鬆，唔似以前要半年先運到香港，所以隻馬適應得快咗。練者認為，暫時觀察「駿跑得」可應付1200米至1600米。 https://racing.hkjc.com/racing/information/chinese/Racing/LocalResults.aspx?RaceDate=2025/01/31&Racecourse=ST&RaceNo=10
閱讀更多