94th win: 喵喵怪 (J487) MEOWTH (J487)
繼噴火龍及小刺蛋之後，聲仔策騎喵喵怪輕取對手，再度幫寵物小精靈系贏取頭馬🐈，多謝馬主支持。
今日(11月17日)第三場四班田草1200米，霍宏聲騎巫廄「喵喵怪」，結果輕鬆贏馬，爆出40倍巨冷，一出即勝，而這亦是巫偉傑開倉以來首匹一出即勝馬。
賽後，巫偉傑表示「喵喵怪」來港後一直喺從化備戰，當地比較適合新馬，而「喵喵怪」亦非常適應，試閘表現一課比一課好，今仗都有信心，跑道形勢利跟前，加上有新鮮感，所以順利贏馬，但陣上仲需要學習，而霍宏聲指「喵喵怪」轉彎時有挨出嚟，相信未來會持續進步。
馬主廖舜康表示「喵喵怪」沿用番《精靈寶可夢》系列，加上囡囡鍾意貓，所以改呢個名。今場賽前，副練、練馬師都有信心「喵喵怪」有爭勝機會，自己都落咗少少注，但落雨後信心減弱，睇賠率都知道，但可以一出即勝都非常開心，而且締速唔差，馬房都幾睇好「喵喵怪」前景。
廖生表示潘頓曾索騎「喵喵怪」，但佢以往支持霍利時，由細睇到霍宏聲大，所以今場畀番霍宏聲騎，加上巫偉傑、李健華(從化副練)都曾經係霍利時副練，如今一齊贏馬非常開心。
留言
發佈留言